Latest news

16-April-2018

എൻ്റെ തെരുവിൽ എന്റെ പ്രതിഷേധം’; അണിനിരന്നത് പതിനായിരങ്ങൾ… ആളിക്കത്തിയ പ്രതിഷേധം…

തിരുവനന്തപുരം/ദില്ലി: കത്വയിൽ ക്രൂര ബലാത്സംഗത്തിനിരയായി എട്ട് വയസുകാരി കൊല്ലപ്പെട്ട സംഭവത്തിലും, ഉന്നാവോയിൽ പീഡനത്തിനിരയായ പെൺകുട്ടിക്കും നീതി ലഭിക്കണമെന്ന് ആവശ്യപ്പെട്ട് രാജ്യവ്യാപകമായി പ്രതിഷേധ സംഗമങ്ങൾ. ബെംഗളൂരു സ്വദേശി അരുന്ധതി ഘോഷ് തുടക്കമിട്ട മൈ സ്ട്രീറ്റ് മൈ പ്രൊട്ടസ്റ്റ് എന്ന സോഷ്യൽ മീഡിയ ക്യാമ്പയിന് പിന്നാലെയാണ് രാജ്യത്തെ വിവിധ തെരുവുകളിൽ പ്രതിഷേധ കൂട്ടായ്മകൾ സംഘടിപ്പിച്ചത്. പീഡനങ്ങളില്ലാത്ത ഇന്ത്യയാണ് ഞങ്ങൾക്ക് ആവശ്യം, പീഡകരെ തൂക്കിലേറ്റുക തുടങ്ങിയ പ്ലക്കാർഡുകളേന്തിയാണ് ജനങ്ങൾ പ്രതിഷേധ കൂട്ടായ്മയിൽ പങ്കെടുത്തത്. സോഷ്യൽ മീഡിയയിലെ ആഹ്വാന പ്രകാരം രാജ്യത്തെ ആയിരക്കണക്കിന് തെരുവുകൾ ‘മൈ സ്ട്രീറ്റ് മൈ പ്രൊട്ടസ്റ്റ്’ പ്രതിഷേധ കൂട്ടായ്മകൾക്ക് വേദിയായി. രാജ്യതലസ്ഥാനമായ ദില്ലി, പ്രധാന നഗരങ്ങളായ മുംബൈ, ബെംഗളൂരു, ഭോപ്പാൽ, കൊൽക്കത്ത, ചെന്നൈ തുടങ്ങിയ സ്ഥലങ്ങളിലെല്ലാം സ്ത്രീകളും കുട്ടികളുമടക്കം നിരവധിപേർ പ്രതിഷേധ കൂട്ടായ്മയിൽ പങ്കെടുത്തു. കേരളത്തിൽ തിരുവനന്തപുരം, കൊച്ചി, കോഴിക്കോട് എന്നീ പ്രധാന നഗരങ്ങൾക്ക് പുറമേ വിവിധ ജില്ലകളിലെ പ്രധാന തെരുവുകളിലെല്ലാം ജനക്കൂട്ടം പ്രതിഷേധമറിയിക്കാനെത്തി. ഏപ്രിൽ 15ന് വൈകീട്ട് അഞ്ച് മണിക്കും ഏഴ് മണിക്കും ഇടയിൽ പ്രതിഷേധം സംഘടിപ്പിക്കാനായിരുന്നു സോഷ്യൽ മീഡിയയിലൂടെയുള്ള ആഹ്വാനം. മിക്കയിടങ്ങളിലും അഞ്ച് മണിക്ക് മുൻപ് തന്നെ ഒട്ടേറെപേരാണ് പ്രതിഷേധത്തിൽ പങ്കെടുക്കാനെത്തിയത്.

 

 

15-April-2018

ഏതു മൊബൈൽ സെലക്ട് ചെയ്യും 
ഇന്ന് അബദ്ധത്തിൽ ഒരു ഫോൺ കടയിൽ റെഡ്‌മി നോട് 5 പ്രൊ എപ്പോ available ആകും എന്ന് ചോദിയ്ക്കാൻ കയറിയതാ.17ആം തീയതി ആകുമ്പോ കടയിൽ വരും എന്ന് പറഞ്ഞു , പിന്നെ ചേച്ചിക്ക് വേണ്ടി J7 duo കൂടി ഒന്ന് നോക്കിയ ശേഷം എന്നാ ശെരി എന്ന് പറഞ്ഞു പോകാൻ ഇറങ്ങിയ എന്നെ കടക്കാരൻ പിടിച്ച് നിർത്തി റെഡ്‌മിക്ക് വാറന്റി ഇല്ല കേട്ടോ , ഗാറന്റിയും ഇല്ല കേട്ടോ എന്ന്. ഓ കുഴപ്പമില്ല എന്ന മുഖഭാവം വന്നപ്പോൾ തന്നെ പുള്ളി റെഡ്‌മി പൊട്ടിത്തെറിക്കും , സിം സ്ലോട്ട് ഊരിയപ്പോൾ ഷോർട് circuit വന്ന് ആരുടെയോ മുഖം കത്തി എന്നും , വേണേൽ വീഡിയോ കാണിക്കാം എന്നൊക്കെ പറഞ്ഞു.പിന്നെയും വിടാൻ ഉദ്ദേശം ഇല്ലായിരുന്നു.ഇതിലും നല്ലത് ഒപ്പോയും വിവോയും പോലുള്ള ബ്രാൻഡഡ് സാധനം വാങ്ങുന്നതാണ് എന്ന് പറഞ്ഞപ്പോൾ തന്നെ അസുഖം കത്തി.പിന്നെ ഒപ്പോയും A83 കിടിലൻ ഫോൺ ആണ് എന്നൊക്കെ പറഞ്ഞ് സാധനം എടുത്ത് കയ്യിൽ തന്നു.ഒപ്പോയും വിവോയും ഒക്കെ നിങ്ങൾ യൂസ് ചെയ്തിട്ടുണ്ടോ എന്നൊരു ചോദ്യം.അപ്പോൾ തന്നെ എന്റെ മനസ്സിൽ ആദ്യം വന്നത് വിവോ വി7+ എടുത്ത് അത് എങ്ങനെ എങ്കിലും തലയിൽ നിന്ന് ഒഴിവാക്കാൻ പാട് പെടുന്ന ചങ്കിനെ ആണ്.വല്ല കടക്കാരൻ പറയുന്നത് കേൾക്കണോ അതോ ഉപയോഗിച്ച് മടുത്തിട്ട് വേണ്ടായിരുന്നു എന്ന് പറയുന്ന ചങ്കിന്റെ വാക്ക് കേൾക്കണോ ?
അല്ല , ഒരു സംശയം , ഒരു ഒപ്പോ അല്ലെങ്കിൽ വിവോ വിറ്റാൽ ഇവർക്ക് എത്ര കമ്മിഷൻ കിട്ടും ? അതാകണാമല്ലോ ഇത്ര വലിയ തള്ള് തള്ളി ഫോൺ വിൽക്കാൻ പാട് പെടുന്നത്.

കടപ്പാട്, ഫേസ്ബുക്.

 

 

 

15-April-2018

എല്ലാവർക്കും വിഷു ആശംസകൾ